श्रीलंकालाई सामान्य अग्रता
एजेन्सी । घरेलु टिम श्रीलंकाविरुद्धको दोस्रो टेस्टको पहिलो इनिङ्समा इंग्ल्यान्ड ३ सय ४४ रनमा अलआउट भएको छ ।
गालेमा चौंथो दिन सोमबार इंग्ल्यान्ड ३ सय ४४ रनमा अलआउट भएको हो ।
९ विकेटको क्षतिमा ३ सय ३९ रनको स्थितिबाट चौंथो दिनको खेल थालेको इंग्ल्यान्डले थप ५ रन जोड्दा अलआउट भयो ।
इंग्ल्यान्डका जोए रुटले १ सय ८६ रनको शतकीय इनिङ्स खेले । जस बटलरले ५५ रनको योगदान दिए ।
यस्तै जोनी बियरस्टो २८ रनमा आउट हुँदा डम बेसले ३२ रन बनाए ।
श्रीलंकाका लसिथ इमबुल्डेनियाले ७ लिए ।
इंग्ल्यान्ड अलआउट भएपछि श्रीलंकाले दोस्रो इनिङ्स थालेको छ । ड्रिक्ससम्म श्रीलंकाले २ विकेट गुमाएर २९ रन जोडेको छ ।
यस अघि एन्जेलो म्याथ्युजको शतकको मद्दतमा श्रीलंकाले सबै विकेट गुमाएर ३ सय ८१ रन जोडेको थियो ।
म्याथ्युजले १ सय १० रनको योगदान दिए ।
यस्तै निरोशन डिकवेलाले ९२ रन जोड्दा दिलरुवान परेराले ६७ रन जोडे ।
यस्तै दिनेश चन्डिमलले ५२ रन बनाए । लहिरु थिरेमने ४३ रनमा आउट भए ।
इंग्ल्यान्डका जेम्स एन्डरले ६ विकेट लिए । मार्क उडको नाममा ३ विकेट रह्यो ।
सिरिजमा इंग्ल्यान्ड १-० ले अघि रहेको छ ।
