बागमतीको नजर सेमिफाइनल
काठमाडौं । प्रधानमन्त्री कप (पीएम कप) एकदिवसीय पुरुष क्रिकेट प्रतियोगितामा आज (आइतबार) दुई खेलहरु हुँदैछ ।
मुलपानी क्रिकेट मैदानमा उपाधि दाबेदार बागमती प्रदेशले लुम्बिनी प्रदेशसँग प्रतिस्पर्धा गर्नेछ । दुई टिमबीचको खेल बिहान ९ बजे सुरु हुनेछ ।
लुम्बिनीविरुद्ध मैदान उत्रदा बागमती लगातार चौंथो जितको खोजीमा हुनेछ ।
बागमती लुम्बिनीलाई हराएर सेमिफाइनलमा समेत पुग्न चाहन्छ ।
बागमतीले यस अघि पुलिस,सुदूरपश्चिम र प्रदेश-२ लाई हराएको थियो ।
समूह 'बी' को बागमतीले ३ खेलमा ६ अंक जोडेको छ ।
बागमती तालिकाको शीर्ष स्थानमा रहेको छ ।
लुम्बिनी भने तेस्रो जितको खोजीमा हुनेछ ।
लुम्बिनी पनि बागमतीलाई हराएर सेमिफाइनल पुग्ने सम्भावना बलियो बनाउन चाहन्छ ।
लुम्बिनी ३ खेलमा ४ अंक जोडेर दोस्रो स्थानमा रहेको छ ।
यस्तै कीर्तिपुरस्थित टियु क्रिकेट मैदानमा प्रदेश-२ र सुदूरपश्चिम प्रदेशबीच प्रतिस्पर्धा हुनेछ ।
प्रदेश-२ र सुदूरपश्चिम पहिलो जितको खोजीमा रहेको छ ।
प्रदेश-२ ले २ खेलमा अंक जोड्न सकेको छैन ।
सुदूरपश्चिमले ३ खेलमा अंक जोड्न सकको छैन ।
सुदूरपश्चिम प्रतियोगिताबाट बाहिरिसकेको छ ।
