काठमाडौं-११ सेमिफाइनलमा

चितवन । काठमाडौं-११ भरतपुर चितवनमा जारी माडी गोल्डकप फुटबलको सेमिफाइनलमा प्रवेश गरेको छ ।

चितवनको माडी माबिको खेल मैदानमा मंगलबार भएको खेलमा एफसी मुन्डियाल हेटौडालाई टाइब्रेकरमा ५-३ गोल अन्तरले पराजित गर्दै काठमाडौं सेमिफाइनलमा पुगेको हो ।

प्रतियोगितामा बुधबारबाट सेमिफाइनलको खेलहरु सुरु हुनेछ ।

पहिलो सेमिफाइनलमा बुधबार माडी-११ र सेन्ट्रल कलेज बिएफसि भरतपुरबीच खेल हुनेछ ।

बसन्तपुर युनाईटेड क्लबले आयोजना गरेको प्रतियोगितामा ८ टिमको सहभागिता रहेको छ ।

प्रतियोगिताको विजेताले २ लाख प्राप्त गर्दा उपविजेताले १ लाख प्राप्त गर्ने छन् ।

यस्तै सर्वोकृष्ट खेलाडीले १० हजार प्राप्त गर्ने छन् ।

व्यक्तिगत विधातर्फ उत्कृष्ट फरवार्ड, डिफेन्डर, गोलकिपर, मिडफिल्डरले ५/५ हजार पाउने छन् ।

सर्वाधिक गोलकर्ताले ७ हजार ५ सय प्राप्त गर्दा उत्कृष्ट प्रशिक्षक र उदयमान खेलाडीले ३ हजार ५ सय प्राप्त गर्ने छन् ।