एजेन्सी । इंग्लिस क्लब आर्सनलका मिडफिल्डर मोसिट ओजिल टर्किस क्लब फेनरबाचे जाने भएका छन् ।
टर्किस क्लबसँगको सम्झौताका लागि ओजिल आइतबार टर्की पुगेका छन् ।
मेडिकलपछि ओजिलले क्लबसँग औपचारिक सम्झौता गर्ने बताईएको छ ।
क्लबका मुख्य प्रशिक्षक मिकेल अर्टेटासँगको सम्बन्ध बिग्रिएपछि ओजिल टर्की जान लागेका हुन् ।
जर्मन मिडफिल्डरले गत मार्चपछि आर्सनलका लागि खेलेका छैनन् ।
३२ वर्षीय मिडफिल्डरको क्लबसँगको सम्झौता अझै आधा वर्ष बाँकी रहेको छ ।
ओजिल सन् २०१३ मा रियल मड्रिडबाट आर्सनल आएका थिए ।
उनले आर्सनलबाट ३ एफए कप जितेका छन् ।
-1748869700.jpg)
