टोटेनहमको सहज जित

एजेन्सी । इंग्लिस प्रिमियर लिग फुटबलमा टोटेनहमले सहज जित निकालेको छ ।

आइतबार राति भएको खेलमा टोटेनहमले सेफिल्ड युनाइटेडलाई ३-१ गोल अन्तरले पराजित गरेको हो ।

टोटेनहमको जितमा ह्यारी केन, सर्ज अउरियर र टान्गुए एनडोम्बेलेले एक एक गोल गरे ।

सेफिल्डका डेभिड म्याकगोल्डरिकले एक गोल फर्काए ।

सेफिल्डको मैदानमा पाँचौ मिनेटमा सर्जले गोल गर्दै टोटेनहमलाई अग्रता दिलाएका थिए ।

खेलको ४० औं मिनेटमा केनले गोल गर्दा टोटेनहम २-० ले अघि रह्यो ।

खेलको ५९ औं मिनेटमा सेफिल्डका डेभिडले गोल गर्दै खेल २-१ को स्थितिमा ल्याए ।

त्यसपछि खेलको ६२ औं मिनेटमा एनडोम्बेलेले गोल गर्दै टोटेनहमलाई ३-१ को जित दिलाए ।

जितसंगै टोटेनहम लिगको चौंथो स्थानमा उक्लिएको छ ।

टोटेनहमले १८ खेलमा ३३ अंक जोडेको छ ।

सेफिल्ड ५ अंक जोडेर पुछारमा रहेको छ ।