अर्जेन्टिनासंग आइसल्याण्डले अंक खोस्यो

एजेन्सी । विश्वकप फुटबलको डेब्यु म्याचमा आइसल्याण्डले उपाधि दाबेदार अर्जेन्टिनासंग अंक खोसेको छ ।

आज भएको खेलमा आइसल्याण्डले अर्जेन्टिनालाई १–१ गोलको बराबरीमा रोकेको छ । स्ट्राईकर लियोनल मेस्सी पेनाल्टीमा चुकेको खेलमा आइसल्याण्डले उत्कृष्ट खेल प्रर्दशन ग¥यो ।

विश्वकपको डेब्यु खेलमा अंक जोड्दै आइसल्याण्डले नकआउट चरण प्रवेशको सम्भावना देखाएको छ ।

खेलको १९ औ मिनेटमा अर्जेन्टिनाले सर्जियो अग्युरोको गोलमार्फत अग्रता लिएको थियो ।

त्यसको ४ मिनेटपछि आइसल्याण्डले बराबरी गोल फर्काएको थियो । आइसल्याण्डलका लागि फिन्नबोगसनले गोल गरेका थिए ।

६४ औ मिनेटमा अर्जेन्टिनाले पेनाल्टी प्राप्त ग¥यो । तर मेस्सीले बाँयातर्फ गरेको प्रहारलाई गोलकिपरले उत्कृष्ट बचाउ गरेका थिए ।

तुलनात्मक रुपमा आइसल्याण्डले उत्कृष्ट प्रर्दशन ग¥यो । डिफेन्समा बलियो देखिएको उसले काउन्टर अट्याक समेत थुप्रै गोलका अवसर सिर्जना गरेको थियो ।