‘बार्सिलोना कठिन अवस्थामा छ’

एजेन्सी । लियोनल मेस्सीले समर ट्रान्सफरमा बार्सिलोना छोड्ने असफल प्रयासले यस सिजन आफ्नो लय प्रभावित बनेको बताएका छन् ।

गत अगष्टमा अर्जेन्टिनी फरवार्डले आफु बार्सिलोना छोड्न चाहेको बताउँदै सम्झौता अनुसार निशुल्क क्लब छाड्ने प्रावधान सक्रिय बनाउन अनुरोध गरेका थिए ।

क्लबले मेस्सीको प्रस्ताव अस्किार गर्यो र अर्जेन्टिनी फरवार्डलाई लैजान ७ सय मिलियन युरो रिलिज क्लज तिर्नुपर्ने बतायो ।

‘मैले सिजनको सुरुवातमा केही जबर्जस्ती जस्तो गरे ।’ ३३ वर्षिया मेस्सीले भने ।

‘साँचो रुपमा अब सबै ठिक छ । मलाई ठिक लागिरहेको छ । तर समर ट्रान्सफरमा मसंग कुनै खराब समय थियो ।’ उनले भने ।

लियोनल मेस्सीले शनिबार भ्यालेन्यिाविरुद्ध गोल गर्दै ब्राजिली लिजेण्ड पेलेले एकै क्लबबाट बनाएको ६ सय ४३ गोलको कीर्तिमान भंग गरे ।

यस सिजन मेस्सीले १७ औं खेलमा ९ गोल गरेका छन् । ला लिगामा मेस्सी नेतृत्वको बार्सिलोना पाँचौ स्थानमा छ ।

यस सिजनको समाप्ति संगै मेस्सीले सम्झौता अनुसार बार्सिलोन छाड्न स्वतन्त्र हुनेछन् । उनी जनवरीबाट अर्को क्लबसंग छलफल अघि बढाउन सक्नेछन् ।

बार्सिलोनाका अन्तरिम अध्यक्ष कार्लोस टस्केट्सले केही समय अघि बित्तिय अवस्थाका कारण समर ट्रान्सफरमा क्लबले मेस्सीलाई बेच्नुपर्ने धारणा राखेका थिए ।

बार्सिलोनाका खेलाडी नोभेम्बरसम्म तलब कटौतीमा सहमत बनेका छन् । त्यसबाट बार्सिलोनाले झण्डै १ सय २२ मिलियन युरो बचत गर्नेछ ।

‘अहिले निकै राम्रो महशुश गरिरहेको छु । तर अगाडीका सबै प्रतियोगितामा भिड्नका लागि तयार रहेको छु ।’ उनले भने ।

‘मलाई थाहा छ, क्लब संस्थागत रुपमा कठिन अवस्थामा छ । मैदानमा समेत बार्सिलोना कठिन अवस्थामा छ । तर म उत्साहीत छु ।’ मेस्सीले भनेका छन् ।