बक्सिङ रिङमा उत्रदै टाइसन र जोन्स 

एजेन्सी । बक्सिङका पूर्व हेविवेट च्याम्पियन माइक टाइसन आज बक्सिङ रिङमा फर्कदै छन् ।

बक्सिङका सुपर स्टार टाइसन ५४ वर्षको उमेरमा पुन: रिङमा फर्कन लागेका हुन् ।

टाइसन अमेरिकाको लस एन्जलसमा आयोजना हुने एक प्रदर्शनी फाइटका लागि रिङ उत्रन लागेका हुन् ।

उनले प्रदर्शनी फाइटमा चारवटा तौल समूहमा विश्व च्याम्पियन बनिसकेका रोय जोन्स जुनियरसँग आज प्रतिस्पर्धा गर्ने छन् ।

यस अघि यस प्रदर्शनी फाइट सेप्टेम्बर १२ मा तय थियो । तर, कोरोना भाईरसको महामारीको कारण सेप्टेम्बरमा स्थगित गरिएको थियो ।

टाइसनले व्यवसायिक रुपमा सन् २००५ मा अन्तिम पटक प्रतिस्पर्धा गरेका थिए । त्यस खेलमा उनी आयरल्याण्डका केभिन म्याकब्राइडसँग पराजित भएका थिए ।

यस्तै ५१ वर्षका जोन्सले पछिल्लो पटक सन् २०१८ को फेब्रुअरीमा प्रतिस्पर्धा गरेका थिए।