एजेन्सी । इंग्लिस क्लब टोटेनहमले प्रिमियर लिग अन्तर्गत आर्सनलविरुद्धको खेलमा दर्शकलाई रंगशाला प्रवेश गराउने भएको छ ।
टोटेनहमले आर्सनलविरुद्ध २ हजार दर्शकलाई रंगशाला प्रवेश गर्न अनुमति दिने निर्णय गरेको हो ।
प्रिमियर लिगमा टोटेनहमले डिसेम्बर ६ मा आर्सनलसँग घरेलु मैदानमा खेल्नेछ । उक्त खेलमा २ हजार समर्थक हुने छन् ।
इंग्ल्यान्ड सरकारले लकडाउनको अन्त्यपछि १० प्रिमियर लिग क्लबलाई दर्शक प्रदेशका लागि अनुमति दिएको थियो ।
लण्डन क्षेत्रमा रहेका क्लबहरुलाई सरकारले २ हजार समर्थकलाई मैदान प्रवेशको लागि अनुमति दिएको हो । जुन क्षेत्र कोरोनाको कम जोखिम क्षेत्र मानिएको छ ।
इंग्ल्यान्डमा डिसेम्बर २ बाट लकडाउनको अन्त्य हुँदैछ । त्यसपछिका खेलमा सिमित दर्शकले रंगशाला प्रवेशको अनुमति पाउने छन् ।
कोरोना भाईरसको महामारीपछि स्थगित लिग पुन: सुरु भएपछि बन्द रंगशालामा संचालन भईरहेको छ ।
