इंग्ल्यान्डको पाकिस्तान भ्रमण पक्का

एजेन्सी । इंग्ल्यान्ड क्रिकेट टिमको पाकिस्तान भ्रमण पक्का भएको छ ।

इंग्ल्यान्ड एण्ड वेल्स क्रिकेट बोर्ड (इसीबी) ले बुधबार टिमको पाकिस्तान भ्रमण पक्का भएको जनाएको छ ।

इंग्ल्यान्डले सन् २०२१ को डिसेम्बरमा पाकिस्तानको भ्रमण गर्नेछ ।

भ्रमण दौरान दुई टिमबीच कराँचीमा दुई खेलको टी-ट्वान्टी सिरिज हुनेछ । पहिलो खेलमा डिसेम्बर १४ र दोस्रो खेलमा डिसेम्बर १५ मा हुनेछ ।

यस अघि इंग्ल्यान्डले सन् २०२१ को सुरुवातमा पाकिस्तानको भ्रमण गर्ने बताईएको थियो । तर, सिरिज सार्न इंग्ल्यान्डले गरेको प्रस्तावपछि दुई टिमबीचको सिरिज डिसेम्बरमा हुने पक्का भएको हो ।

इंग्ल्यान्डले १५ वर्षबाट पाकिस्तानको भ्रमण गरेको छैन । इंग्ल्यान्डले पछिल्लो पटक सन् २००५ मा पाकिस्तानको भ्रमण गरेको थियो ।

यस्तै सन् २००९ मा श्रीलंकाका टिममाथि भएको आतंककारी आक्रमणपछि पाकिस्तानले टेस्ट सिरिज आयोजना गरेको छैन ।

पाकिस्तानले भने हालै इंग्ल्यान्डको भ्रमण गरेको थियो । दुई टोलिबीच ३ खेलको टेस्ट र टी-ट्वान्टी सिरिज भएको थियो ।