नेदरल्यान्ड्स र स्पेनको बराबरी

एजेन्सी । अन्तराष्ट्रिय मैत्रीपूर्ण खेलमा नेदरल्यान्ड्स र स्पेनले बराबरी खेलेका छन् ।

बुधबार राति भएको खेलमा नेदरल्यान्ड्स र स्पेनले १-१ गोलको बराबरी खेलेको हो ।

नेदरल्यान्ड्सको योहान क्रुफ स्टेडियममा सुरुवाती अग्रता भने स्पेनले बनाएको थियो ।

खेलको १९ औं मिनेटमा सर्जियो कानालेसले गोल गर्दै स्पेनलाई अग्रता दिलाएका थिए ।

तर, खेलको ४७ औं मिनेटमा डोनी भान डी विकले गोल गर्दै घरेलु टोलीलाई हारबाट जोगाए ।

यूईएफए नेसन्स लिगको खेल अघि दुबै टोलीले मैत्रीपूर्ण खेल खेलेको हो ।

अर्को मैत्रीपूर्ण खेलमा बेल्जियमले स्विजरल्याण्डलाई २-१ गोल अन्तरले पराजित गरेको छ ।

बेल्जियमको जितमा मिचे बात्सुयाईले दुई गोल गरे ।

स्विजरल्याण्डका एडमिर मेहमेदीले एक गोल फर्काए ।