मेलबर्नसँग स्टोनिसको नयाँ सम्झौता

एजेन्सी । अष्ट्रेलियाका अलराउण्डर मार्कुस स्टोनिसले बिग बास लिग (बीबीएल) टिम मेलबर्न स्टार्ससँग नयाँ सम्झौता गरेका छन् ।

बीबीएलको फ्रेन्चाइज टिम मेलबर्नले बुधबार स्टोनिसले नयाँ सम्झौता गरेको जनाएको छ ।

सम्झौतासँगै स्टोनिस सन् २०२३/२४ को सिजनसम्म मेलबर्नबाट खेल्नेछ ।

३१ वर्षीय स्टोनिसले सन् २०१३/१४ बाट लगातार मेलबर्नबाट बीबीएल खेल्दै आइरहेका छन् । त्यसअघि उनले पर्थबाट खेलेका थिए ।

स्टोनिस बीबीएलमा मेलबर्नका सर्वाधिक रन बनाउने खेलाडी हुन् ।

स्टोनिसले युएईमा मंगलबार सम्पन्न इन्डियन प्रिमियर लिग (आईपीएल) दिल्ली क्यापिटल्सबाट खेलेका थिए । दिल्ली उपविजेता बनेको थियो ।

नयाँ सिजनको बीबीएल आगामी डिसेम्बर १० बाट सुरु हुनेछ ।