इंग्ल्यान्डका लेविसले ब्रिसबेनबाट बिग बास खेल्ने
एजेन्सी । इंग्ल्यान्डका अलराउण्डर क्रिकेटर लेविस ग्रेगोरीले अष्ट्रेलियाको बिग बास लिग (बीबीएल) क्रिकेट ब्रिसबेन हिटबाट खेल्ने भएका छन् ।
ब्रिसबेनले सोमबार लेविसलाई नयाँ सिजनको लिगका लागि अनुबन्धित गरिएको जनाएको छ ।
२८ वर्षीय लेविसलाई तेस्रो अन्तराष्ट्रिय खेलाडीको रुपमा ब्रिसबेनले टिममा अनुबन्ध गरेको हो ।
बिग बास टिमसँग लेविसको यो पहिलो सम्झौता समेत हो । यस अघि उनले बिग बास लिग खेलेका छैनन् ।
ब्रिस बेनले यस अघि अफगानिस्तानमा युवा स्पिनर मुजीब उर रहमान र न्युजिल्याण्डका ज्याक विल्डरमुथलाई अनुबन्ध गरेको थियो ।
नयाँ सिजनको बीबीएल आगामी डिसेम्बर ३ बाट सुरु हुनेछ ।
यस सिजनमा हरेक टिमले ३ खेलाडीलाई प्लेईङ सेटमा राख्न पाउने छन् ।
यस अघि बीबीएलमा २ विदेशी खेलाडी मात्र राख्न पाईने प्रावधान रहेको थियो ।
यस्तै बीबीएलमा एक टिमले ६ विदेशी खेलाडी अनुबन्ध गर्न पाईने छ ।
