फेलिक्सको दुई गोल, एट्लेटिकोको जित

एजेन्सी । स्पेनिस ला लिगा फुटबलमा एट्लेटिको मड्रिडले सहज जित निकालेको छ ।

शनिबार राति भएको खेलमा एट्लेटिकोले ओसासुनालाई ३-१ गोल अन्तरले पराजित गरेको हो ।

एट्लेटिकोलाई जित दिलाउन जोआ फेलिक्स चम्किए ।

खेलको ४३ औं मिनेटमा फेलिक्सले पेनाल्टीमा गोल गर्दै एट्लेटिकोलाई अग्रता दिलाए ।

तर, ४८ औं मिनेटमा फेलिक्स पेनाल्टीमा गोल गर्न चुके । उनको प्रहार पोस्टमा लागेर बाहिरिएको थियो ।

६९ औं मिनेटमा फेलिक्सले व्यक्तिगत दोस्रो गोल गर्दै एट्लेटिकोलाई २-० को अग्रता दिलाए ।

खेलको ८० औं मिनेटमा ओसासुनाका एन्टी बुडिमिरले गोल गर्दै खेल २-१ को स्थितिमा ल्याए ।

त्यसपछि खेलको ८८ औं मिनेटमा लुकासले गोल गर्दै एट्लेटिकोलाई ३-१ को जित दिलाए ।

जितसँगै एट्लेटिकोले ६ खेलमा १४ अंक जोडेको छ । एट्लेटिको तालिकाको तेस्रो स्थानमा रहेको छ ।

ओसासुना १० अंक जोडेर नवौं स्थानमा रहेको छ ।

अर्को खेलमा एथ्लेटिक बिल्बाओले सेभियालाई २-१ ले पराजित गरेको छ ।