लिग लिडर एभर्टन साउथह्याम्पटनसँग स्तब्ध
एजेन्सी । इंग्लिस प्रिमियर लिग फुटबलमा शीर्ष स्थानको एभर्टन पराजित भएको छ ।
आइतबार राति भएको खेलमा १० खेलाडीमा सिमित एभर्टन साउथह्याम्पटनसँग २-० गोल अन्तरले पराजित गरेको हो ।
साउथह्याम्पटनलाई जित दिलाउन जेम्स वार्ड र चे एडम्सले एक एक गोल गरे ।
घरेलु मैदानमा खेलको २७ औं मिनेटमा जेम्सले गोल गर्दै टोलीलाई अग्रता दिलाएका थिए ।
त्यसपछि खेलको ३५ औं मिनेटमा एडम्सले गोल गर्दै साउथह्याम्पटनलाई २-० को जित दिलाए ।
खेलको ७२ औं मिनेटमा लुकास डिग्नीले रातो कार्ड पाएपछि एभर्टन १० खेलाडीमा समेटिएको थियो ।
एभर्टनले साउथह्याम्पटनविरुद्ध भने सुरुवाती खेलमा जस्तो उत्कृष्ट खेल्न सकेन् । एभर्टनले सुरुवातको चार खेलमा लगातार जित निकालेको थियो ।
जितसँगै साउथह्याम्पटनले ६ खेलमा १० अंक जोडेको छ । साउथह्याम्पटन पाँचौं स्थानमा समेत उक्लिएको छ ।
साउथह्याम्पटनसँग पराजित भएपनि एभर्टन शीर्ष स्थानमा यथावत रहेको छ ।
एभर्टनले ६ खेलमा १३ अंक जोडेको छ । एभर्टनको यो सिजनको पहिलो हार हो ।
