आर्सनल र लेष्टर भिड्दै
एजेन्सी । इंग्लिस प्रिमियर लिग फुटबलमा आज (आइतबार) आर्सनलले लेष्टर सिटीसँग प्रतिस्पर्धा गर्दैछ ।
आर्सनलले घरेलु मैदानमा लेष्टरसँग खेल्नेछ । दुई टिमबीचको खेल नेपाली समय अनुसार राति १ बजे सुरु हुनेछ ।
घरेलु मैदानमा आर्सनल लेष्टरलाई हराएर अंक तालिका सुधार गर्ने लक्ष्यमा हुनेछ । आर्सनल ५ खेलमा ९ अंक जोडेर आठौं स्थानमा रहेको छ ।
तर, बलियो लेष्टरलाई हराउन आर्सनललाई सहज भने हुने छैन । किनकी लेष्टर पनि आर्सनललाई हराएर अंक तालिका सुधार्न चाहन्छ ।
लेष्टर ५ खेलमा ९ अंक जोडेर सातौं स्थानमा रहेको छ ।
आर्सनलविरुद्ध लेष्टरका जेमी भार्डीले खेल्ने सम्भावना न्यून रहेको छ ।
आर्सनलका विलियम र डानी सेबालोसले लेष्टरसँगको खेल गुमाउने छन् ।
प्रिमियर लिग अन्तर्गत नै अर्को खेलमा लिग लिडर एभर्टनले साउथह्याम्पटनसँग खेल्नेछ ।
एभर्टनले साउथह्याम्पटनसँग उसैको मैदानमा खेल्नेछ । साउथह्याम्पटनलाई हराएर एभर्टन शीर्ष स्थानको अग्रता कायम राख्न चाहन्छ ।
एभर्टनले ५ खेलमा १३ अंक जोडेको छ । १३ औं स्थानको साउथह्याम्पटनले ७ अंक जोडेको छ ।
त्यस्तै उल्भ्सले न्युकासलसँग खेल्नेछ ।
