डेभिड आठ हप्ता मैदान बाहिर रहने

एजेन्सी । जर्मन क्लब बायर्न म्युनिखका डिफेन्डर अल्फन्सो डेभिस लामो समय मैदान बाहिर रहने भएका छन् ।

बुन्डेसलिगा अन्तर्गत शनिबार आइनट्राख्ट फ्रान्कफुर्टविरुद्धको खेलमा चोट बोकेपछि डेभिस लामो समय मैदान बाहिर रहने भएका हुन् ।

बायर्नले क्यानेडियन स्टार डेभिस ६ देखि ८ हप्ता मैदान बाहिर रहने जनाएको छ ।

१९ वर्षीय डिफेन्डरको दाहिने खुट्टाको एन्कलको लिगामेन्ट च्यातिएको बायर्नले जनाएको छ ।

घरेलु मैदानमा चोटको कारण डेभिस तेस्रो मिनेटमै मैदानबाट बाहिरिएका थिए ।

उनको स्थानमा लुकास हर्नान्डेज मैदान प्रवेश गरेका थिए ।

फ्रान्कफुर्टविरुद्धको खेलमा रोबर्ट लेवान्डोस्कीले ह्याट्रिक गरेपछि बायर्नले ५-० को जित निकालेको थियो ।