डाइकको घुँडाको शल्यक्रिया गर्नु पर्ने

एजेन्सी । लिभरपुल डिफेन्डर भर्जिल भान डिजिकको सल्यक्रिया गर्नुपर्ने आवश्यकता देखिएको छ ।

प्रिमियर लिगको पछिल्लो खेलमा एभर्टनविरुद्ध चोट बोकेका डिजिकको घुँडाको सल्यक्रिया गर्नुपर्ने देखिएको हो ।

लिभरपुलले शनिबार भएको खेलमा एभर्टनसंग २–२ गोलको बराबरी खेल्दै अंक बाँडेको थियो ।

नेदरल्याण्डका २९ वर्षिय डिफेन्डर पहिलो हाफमा एभर्टनका गोलकिपर जोर्डन पिकफोर्डसंग ठोक्किएका थिए । त्यसपछि उनी चोट बोक्दै मैदानबाट बाहिरिएका थिए ।

चोटका कारण उनी कति समय मैदान बाहिर रहन्छन् भन्ने टुङ्गो लागेको छैन । तर उनी कम्तीमा यस सिजन मैदान फर्कन नसक्ने क्लबका अधिकारीहरु बताउँछन् ।

‘अगाडीको चुनौतीका लागि म तयार छु ।’ भान डिजिकले भनेका छन् ।

सेल्टिक र साउथह्याम्टनका पूर्व डिफेन्डरको चोटको जाँच क्रममा घुँडामा क्षति पुगेको देखिएको छ । चोटको प्रकृति गम्भिर प्रकारको छ ।

‘म निको हुन केन्द्रित छु । त्यसका लागि सबै चिज गर्नेछु । म चाँडो भन्दा चाँडो मैदान फर्कनेछु ।’ उनले भनेका छन् ।

‘स्पष्ट निराशाको बाबजुत म एक दृढ विश्वासवाला ब्यक्ति हुँ । म कठिनाई भित्र अवसरमा विश्वास गर्छु । भगवानको सहयोगबाट यो सुनिश्चित गर्न चाहन्छु, म पहिलेभन्दा अझ फिट र बलियो बनेर फर्कनेछु ।’ भान डिजिकले भने ।

‘फुटबल र जिवनमा सबै चिज केही कारणले हुन्छन् । मलाई लाग्छ, यो सबै केही एक कारणले भईरहेको छ । उच्च स्तरमा कोशिश गर्न र यसलाई उच्च स्तरमा राख्न आवश्यक छ ।’ भान डिजिकले भने ।

सल्यक्रिया लामो समय चल्ने र लिभरपुलका डिफेन्डर कति समय मैदान बाहिर रहने टुङ्गो छैन । सल्यक्रिया तत्काल गरिने छैन र यसको ब्यवस्था अहिलेसम्म गरिएको पनि छैन ।

क्लब स्रोतका अनुसार उनी यस सिजन मैदान फर्कने सम्भावना कठिन छ । उनको पुनरागमन उनको पुर्नस्थापनामा निर्भर रहनेछ ।

सन् २०१८ मा ७५ मिलियन पाउण्डमा लिभरपुल आएपछि भान डिजिक क्लबका मुख्य खेलाडी बनेका छन् ।

उनले क्लबबाट दुई सिजन खेलेका छन् । भान डिजिकको आगमनसंगै प्रिमियर लिगको पहिलो सिजन उपविजेता बनेको लिभरपुलले दोस्रो सिजनमा ३० वर्षपछि उपाधि जितेको थियो ।

गत वर्ष च्याम्पियन्स लिग र क्लब विश्वकपको उपाधि जित्दा भान डिजिक क्लबका मुख्य खेलाडी थिए ।

उनल यस सिजन समेत लिभरपुलबाट ७ खेलमा प्रतिनिधित्व गरेका थिए ।