अभिषेकको क्लब आईलिगमा छनोट

एजेन्सी । नेपालको राष्ट्रिय फुटबल टिमका सदस्य अभिषेक रिजाल सम्मिलित मोहम्मेडन स्पोर्टिङ क्लब भारतीय आईलिगमा बढुवा भएको छ ।

शुक्रबार कल्याणी रंगशालामा भएको छनोट खेलमा चिरपरिचित भवानीपूरलाई २–० गोल अन्तरले पराजित गर्दै मोहम्मेदनले भारतको शीर्ष डिभिजनको लिगमा बढुवा भएको हो ।

कोलकत्ता डर्बीमा जित आत्मसाथ गरेसँगै मोहम्मेडन शीर्षस्थानमा बलियो पकड बनाएको हो ।

शत प्रतिशत जित निकाल्ने क्रममा मोहम्मेडनका लागि भन्लाल्विया चाङ्टे र गानी निगमले एक एक गोल गरे ।

प्रतिस्पर्धात्मक बनेको खेलमा मोहम्मेडनले पहिलो हाफ र दोस्रो हाफमा एक एक गोल गर्न सफल भयो ।

मोहम्मेडनका लागि चाङ्टेले खेलको २७ मिनेटमा खाता खोले । उनले डिबक्सभित्र प्राप्त बललाई सहजै गोल गरेका थिए । यस्तै गानीले खेलको ६७ मिनेटमा गोल गरेका थिए ।

यता, दोस्रो खेलमा उत्कृष्ट प्रदर्शन गर्दै दुई गोल गरेका नेपाल राष्ट्रिय फुटबल टिमका सदस्य अभिषेक रिजाल भने भवानीपुरविरुद्ध दोस्रो हाफमा मात्रै मैदान प्रवेश गरे ।

उनी खेलको ८० मिनेटमा मैदान प्रवेश गरेको थिए ।

जितसँगै मोहम्मेडनको तीन खेलबाट ९ अंक जोड्दै शीर्ष स्थानमा पकड बनाएको थियो । भवानीपुरको समान खेलबाट ६ अंक रहेको छ ।

अन्तिम खेलमा बैग्रुलु युनाइटेडसंग हारेपनी 'हेड टु हेड'मा आधारमा मोहम्मेडन सन् २०२०–२१ आईलिगमा छनोट हुनेछ ।