एजेन्सी । इंग्लिस प्रिमियर लिग क्लब साउथह्याम्पटनका मिडफिल्डर स्टुवार्ड आर्म्सस्ट्रङलाई कोरोना भाईरसको संक्रमण देखिएको छ ।
युरो कप छनोट अन्तर्गत प्ले अफ सेमिफाइनल खेलका लागि स्कटल्याण्ड पुगेका मिडफिल्डर स्टुवार्डलाई कोरोना देखिएको हो ।
स्कटल्याण्ड फुटबलले मिडफिल्डर स्टुवार्डलाई कोरोना देखिएको पुष्टि गरेको छ ।
कोरोना देखिएसँगै उनले इजरायलविरुद्धको बिहीबार हुने प्ले अफ सेमिफाइनल खेल गुमाउने भएका छन् ।
कोरोना देखिएपछि २८ वर्षीय मिडफिल्डर सेल्फ आईसोलेसनमा बसेका छन् ।
मिडफिल्डर स्टुवार्डलाई कोरोना देखिएपछि क्लोज कन्ट्याक्टमा रहेका अन्य दुई खेलाडीले समेत इजरायलसँगको खेल गुमाउने छन् ।
स्टुवार्डसँग सम्पर्कमा रहेका आर्सनलका केइरन टिएरने र सेल्टिकका रायन क्रिस्टीले इजरायलसँगको खेल गुमाउने भएका हुन् ।
दुबै खेलाडी अहिले सेल्फ आईसोलेसनमा रहेको बताईएको छ ।
-1753777217.png)
