एजेन्सी । एभर्टनका फरवार्ड मोइस केन पेरिस सेन्ट जर्मेन (पीएसजी)मा अनुबन्धित भएका छन् ।
उनी एक सिजनका लागि लोनमा फ्रान्सेली क्लब पीएसजीमा गएका हुन् ।
प्रिमियर लिगमा एभर्टनले जादुमयी खेल प्रर्दशन गरेको समय केन भने लोनमा फ्रेन्च लिग च्याम्पियन पुगेका छन् ।
उनी सन् २०१९ मा युभेन्ट्सबाट करिब २८ मिलियन पाउण्डमा एभर्टनमा गएका थिए । उनले प्रिमियर लिग क्लबसंग ५ वर्षको सम्झौता गरेका थिए ।
तर एभर्टनमा उनले २७ खेलमा मात्र ४ गोल गर्न सके ।
उनले दुई गोल प्रिमियर लिगमा जनवरीमा न्युक्यासल र जुलाईमा बर्नेमाउथविरुद्ध गरेका थिए । त्यस्तै यसै सिजन कारबाओ कपमा उनले सालफोर्ड सिटी र फ्लिटवुड टाउनविरुद्ध गोल गरेका थिए ।
डोमिनिक कल्भर्ट लेविनको उत्कृष्ट फर्ममा एभर्टनले प्रिमियर लिग फुटबलको यस सिजन उत्कृष्ट नतिजा आत्मसाथ गरेको छ । उनी प्रिमियर लिगको सर्वाधिक गोलकर्ताको दौडमा अगाडी देखिएका छन् । कल्भर्टको प्रर्दशनसंगै केनले प्रिमियर लिगमा स्थान पाउने सम्भावना निकै कम बनेको थियो ।
एभर्टन प्रिमियर लिगमा ४ खेलमा जित निकाल्दै शीर्ष स्थानमा छ । उसले डिसेम्बरमा कारबाओ कपको क्वार्टरफाईनलमा म्यान्चेष्टर युनाईटेडसंग खेल्दैछ ।
यसै सिजन क्लबमा आबद्ध भएका अब्दुलाये डौक्रे र जेम्स रोड्रिग्वेज विशेष रुपमा एभर्टनमा उपयोगी साबित भईरहेका छन् ।
पेरिस सेन्ट जर्मेनमा केलियन एम्बाप्पे, नेयमार र एन्जल डी मारिया र मौरो इकार्डीको विकल्पको रुपमा केनले मौका पाउनेछन् । पीएसजी लगातार नवौं लिग उपाधि रक्षाको उद्धेश्य सहित अघि बढिरहेको छ ।
पीएसजी च्याम्पियन्स लिगको फाइनलमा बायर्न म्युनिखसंग पराजित भएको खेलको नतिजाबाट बाहिर उठ्न खोजिरहेको छ । उसले नयाँ सिजन लिगको सुरुवाती दुई खेलमा हार व्यहोरेको छ ।
-1753777217.png)
