हाजार्डले बोके फेरी चोट 

एजेन्सी । स्पेनिस च्याम्पियन रियल मड्रिडका विंगर इडेन हाजार्डले चोट बोकेका छन् ।

रियलले बुधबार हाजार्डले दाहिने खुट्टाको चोट बोकेको जनाएको छ ।

बेल्जियमका विंगर हाजार्डको खुट्टाको मांसपेशीमा समस्या देखिएको रियलले जनाएको छ ।

चोट बोकेसँगै हाजार्ड ३ देखि ४ हप्ता मैदान बाहिर रहने भएका छन् ।

चेल्सीबाट गत सिजन रियल आएका हाजार्ड पछिल्लो समय चोटबाट गुज्रिरहेका छन् ।

गत सिजन समेत एन्कल चोटको कारण हाजार्डले अधिकांस समय मैदान बाहिर बिताएका थिए ।

रियलले ला लिगाको उपाधि जित्दा हाजार्डले गत सिजन १६ खेलमा १ गोल गरेका थिए ।

रियल आएपछिको १५ महिनाभित्र हाजार्डले ३१ खेल गुमाईसकेका छन् ।