चेल्सीको ३ अंकमा पेड्रो र हाजार्डको गोल

एजेन्सी । इन्ग्लिश प्रिमियर लिगमा फुटबलमा चेल्सीले लगातार चौथों जित हात पारेको छ । लगातार चौथों जित हात पार्ने क्रममा चेल्सीले शनिबार बोर्नेमाउथलाई २ - ० ले हराएको हो ।

घरेलु मैदानमा चेल्सीलाई जित दिलाउन पेड्रो र इडेन हाजार्डले एक एक गोल गरे । स्टामफोर्ड ब्रिजमा चेल्सीले दुवैले गोल दोस्रो हाफमा गरेको थियो ।

खेलको ७२ औं मिनेटमा पेड्रोले गोल गर्दै चेल्सीलाई सुरुवाती अग्रता दिलाएका थिए ।  त्यसपछि खेलको ८५ औं मिनेटमा हाजार्डले गोल गर्दै चेल्सीलाई सहज जित दिलाए । 

जितसंगै चेल्सीले चार खेलबाट १२ अंक जोडेको छ । र, चेल्सी लिगको दोस्रो स्थानमा रहेको छ । बोर्नेमाउथ ७ अंक जोडेर छैटौं स्थानमा छ । 

प्रिमियर लिग अन्तर्गत नै शनिबार साउथह्याम्पटनले क्रिष्टल प्यालेसलाई २ - ० ले हराउदा वुल्भ्सले वेष्ट ह्यामलाई १ - ० ले हराएको छ । 

यस्तै ब्राइटन र फुलहमले २ - २ गोलको बराबरी खेल्दा एभर्टन र हडर्सफिल्डले पनि १ - १ को बराबरी खेल्दै अंक बाडेका छन् ।