एपीएफका थप एक फुटबलरलाई कोरोना

काठमाडौं । विभागीय टिम शसस्त्र प्रहरी बल एपीएफ फुटबल क्लबका थप एक खेलाडीलाई कोरोना भाईरसको संक्रमण देखिएको छ ।

एपीएफ क्लबबाट 'ए' डिभिजन लिग खेलिसकेका थप एक खेलाडीलाई बुधबार कोरोनाको संक्रमण देखिएको हो ।

कोरोना पोजेटिभ देखिने खेलाडीको नाम गोप्य राखिएको छ ।

‘बुधबार पुनः हाम्रो एक खेलाडीको कोरोना देखिएको छ,’ एपीएफ स्रोतले खेलपाटीसँग भन्यो ।

कोरोना देखिएका खेलाडीलाई बुधबारनै बलम्बुस्थित एपीएफको अस्पतालमा पुर्राईएको छ ।

गत हप्तामात्रै एपीएफका एक खेलाडीमा कोरोना पोजिटिभ देखिएको थियो ।

बुधबार कोरोना देखिएका खेलाडी सर्लाही स्थित बोर्डरमा कार्यरत थिए । गत हप्ता कोरोना देखिएका र बुधबार कोरोना देखिएका दुबै खेलाडी रुम पार्टनर समेत हुन् ।

एपीएफले कोरोना महामारीबीच आफ्ना खेलाडीलाई ड्युटीमा खटाएको थियो ।