च्याम्पियन लिभरपुलकाे पहिलो खेल लिड्ससँग

एजेन्सी । इंग्लिस प्रिमियर लिग फुटबलको नयाँ सिजनको खेल तालिका सार्वजनिक भएको छ ।

प्रिमियर लिगले बिहीबार २०२०/२१ को सिजनको खेल तालिका सार्वजनिक गरेको हो ।

प्रिमियर लिगको नयाँ सिजन सेप्टेम्बर १२ बाट सुरु हुनेछ । सिजन २०२१ को मे २३ मा सकिनेछ ।

नयाँ सिजनको खेल तालिका अनुसार पहिलो दिन ६ खेल हुनेछ ।

जसमा साविक विजेता लिभरपुलले नव प्रवेशी क्लब लिड्स युनाइटेडसँग खेल्नेछ ।

३० वर्षपछि गत सिजन प्रिमियर लिगको उपाधि जितेको लिभरपुलले घरेलु मैदानमा लिड्ससँग खेल्नेछ ।

लिड्स १६ वर्षपछि शीर्ष डिभिजनमा फर्किएको हो । लिड्सले च्याम्पियनसिपको उपाधि जितेको थियो ।

पहिलो दिन नै आर्सनलले फुलहमसँग खेल्नेछ ।

यस्तै लेष्टर सिटीले वेस्ट ब्रुमसँग खेल्दा टोटेनहमले एभर्टनसँग खेल्नेछ ।

त्यस्तै साउथह्याम्पटन र क्रिस्टल प्यालेस तथा वेस्ट ह्याम र न्युकासल युनाइटेड पनि पहिलो दिन भिड्ने छन् । 

चेल्सीले भने सेप्टेम्बर १४ मा ब्राइटनसँग खेल्नेछ । त्यहिँ दिन सेफिल्ड र उल्भ्सबीच समेत खेल हुनेछ ।

म्यानचेस्टर सिटीले पहिलो खेलमा एस्टन भिल्लासँग खेल्दा म्यानचेस्टर युनाइटेडले बर्नलीसँग खेल्नेछ । यस खेलको मिति तोकिएको छैन ।

प्रिमियर लिगको खेल तालिका हेर्न यहाँ क्लिक गर्नुहोस ।