सुआरेजको दौडमा युभेन्ट्स

एजेन्सी । आउँदो समर ट्रान्सफरमा बार्सिलोना केही स्टार खेलाडीलाई क्लब बाहिर पठाउन चाहेको बताएको छ ।

उरुग्वेका अन्तराष्ट्रिय फरवार्ड लुईस सुआरेज समेत त्यो सूचिमा रहेका छन् ।

बार्सिलोनाका अध्यक्ष जोसेप बर्टोमेउले यस समर ट्रान्सफरमा सुआरेज सहित केही सुपरस्टार खेलाडीलाई बेच्ने उद्घोष गरिसकेका छन् ।

बार्सिलोनाले बेन्च चाहेका खेलाडी सुआरेज अनुबन्धनमा सिरि ए क्लब युभेन्ट्स पनि ईच्छुक देखिएको छ । नयाँ समर ट्रान्सफरमा युभेन्ट्स बार्सिलोनाका फरवार्ड सुआरेजलाई अनुबन्धन गर्न चाहेको छ ।

बार्सिलोनाले क्विक सेटिनलाई बर्खास्त गर्दै मुख्य प्रशिक्षकमा रोनाल्ड कोम्यानलाई अनुबन्धन गरेको छ । र लियोनल मेस्सी च्याम्पियन्स लिगको क्वार्टरफाईनलमा जर्मन क्लब बायर्न म्युनिखसंग ८–२ ले पराजित भएपछि क्लब छाड्ने मनसायमा छन् । सोही कारण बार्सिलोना संकटमा छ ।

पछिल्लो समय आलोचना खेपिरहेका क्लबका अध्यक्ष बर्टोमेउ मात्र ८ खेलाडी सुरक्षित रहेको बताईसकेका छन् । जुन सूचिमा ३३ बर्षिया फरवार्ड सुआरेज छैनन् ।

बार्सिलोनासंग सुआरेजको सम्झौता सकिन एक बर्षमात्र बाँकी छ । उनी पछिल्लो समय डच क्लब अजाक्ससंग जोडिएका छन् । स्पेनिस मिडियाका अनुसार अजाक्ससंगै सुआरेजको दौडमा युभेन्ट्स समेत जोडिएको हो ।

सुआरेजले ईटालीबाट खेलेका छैनन् । उनी युभेन्ट्स आएको खण्डमा नयाँ प्रशिक्षक आन्द्रे पिर्लोको नेतृत्वमा क्रिस्टियानो रोनाल्डो र गोन्जालो हिग्युनसंग खेल्नेछन् ।

उनी समकालिन युरोपेली फुटबलका सफल फरवार्ड हुन् । उनले ग्रोनिन्गन, अजाक्स, लिभरपुल र बार्सिलोनाबाट ६ सय १२ खेलमा ४ सय ६ गोल गरेका छन् ।

खेल करियरको अन्तिम समयमा रहेका सुआरेजलाई डच क्लबले लैजान चाहेको हो । डेबिड बेकह्यामको इन्टर मियामीसमेत सुआरेज अनुबन्धनमा ईच्छुक देखिएको थियो । मियामीले भर्खरैमात्र युभेन्ट्सका स्टार माटुडीलाई समर ट्रान्सफरमा अनुबन्धन गरिसकेको छ ।

सुआरेज चोट मुक्त हुँदै यस सिजनको अन्तिममा मैदान फर्किएका हुन् । उनले ३६ खेलमा २१ गोल पनि गरेका छन् ।