सिरि ए क्लबका थप ४ खेलाडीमा कोरोना

एजेन्सी । सिरि ए क्लबका थप ४ जना खेलाडीमा कोरोना संक्रमण पुष्टि भएको छ ।

बुधबार काग्लिरीले क्रोएसियाका २८ बर्षिया मिडफिल्डर फिलिप ब्राडरिक, ३१ बर्षका ईटालियन डिफेनडर लुका सिपिटेली, २४ बर्षका ईटालियन फरवार्ड अल्बर्टो सेरीलाई कोरोना संक्रमण पुष्टि भएको हो ।

क्लबका थप दुई खेलाडी एकान्तबासमा रहेका छन् ।

रोमाका ईटालियन गोलकिपर एन्टोनियो मिरान्टी समेत कोरोनाबाट संक्रमित बनेका छन् ।

यसअघि सोमबारमात्र बुल्गेरियका अन्तराष्ट्रिय विंगर २३ बर्षियका किरिल डेसपोडोभलाई कोरोना संक्रमण देखिएको थियो ।

काग्लिरीले बिहिबारबाट अभ्यास सत्र सञ्चालन गर्ने तयारी गरेको थियो । तर खेलाडीमा कोरोनाको संक्रमण देखिएसंगै क्लबले तत्काल अभ्यासलाई बन्द गरेको छ ।

‘तीन जना खेलाडी घरमा एकान्तबासमा रहेका छन् ।’ क्लबले जारी गरेको बिज्ञप्तीमा भनिएको छ ।

रोमाका खेलाडी मिरान्टीले आफुलाई कुनै लक्षण देखा नपरेको र आफुले सहज महशुश गरेको बताएका छन् ।

‘म एकान्तबासमा छु । म चाँडै निको हुनेछु । र टिमसंग तयारी सुरु गर्नेछु ।’ उनले भनेका छन् ।

सन् २०२०-२१ को सिरि एको सिजन सेप्टेम्बर १९ बाट सुरु गर्ने तयारी छ ।