आईएसएल तीन शहरमा !
काठमाडौं । हिरो इण्डियन सुपर लिग (आईएसएल) को यस सिजन गोवा राज्यमा उद्घाटन हुने भएको छ ।
नयाँ सिजन सन् २०२०–२१ नोभेम्बरबाट सुरु हुने आयोजकले जनाएको छ ।
भारतीय फुटबल फेडेरेशनको अनुसार सातौं संस्करणको प्रतियोगिता तीन स्थानमा मात्र सञ्चालन हुनेछ ।
प्रतियोगिताको सम्पुर्ण खेल बन्द रंगशालामा हुने आयोजकले जनाएको छ ।
भारतले कोरोना महामारीकाबीच बन्द रंगशालामा फ्रेन्चाईच लिग आयोजना गर्न लागेको हो । नोभेम्बरबाट लिग सुरु गर्ने बताएपनि मिति भने तय गरिएको छैन ।
संघका अनुसार खेल जवाहरलाल नेहरु रंगशाला, जीएमसी एथ्लेटिक स्टेडियम र तिलक मैदान स्टेडियममा आयोजना हुनेछ ।
यसअघि सहभागी टिमले 'होम एण्ड अवे'का आधारमा खेल्दै आएका थिए । तर कोरोना कहरकाबीच भारतले तीन मैदानमा मात्रै प्रतियोगिता संचालन गर्न लागेको हो ।
प्रतियोगिताको सातौं संस्करण आईपुग्दा एथ्लेटिको कोलकत्ताले तीन पटक उपाधि हात पारिसकेको छ ।
यस्तै चेन्नेइन एफसीले दुई पटक उपाधि हात पार्दा बेंगरुलु एफसीले एक पटक उपाधि जितेको छ ।
हाल भारतमा कोरोनामा संक्रमण २६ लाखमा देखिएको छ भने ५१ हजार भन्दा बढिको मृत्य भैसकेको छ ।
हिरो इण्डियन सुपर लिगकी संस्थापक अध्यक्ष निता अम्बानीले सातौं संस्करण गोवा राज्यमा लैजादा खुशी लागेकाे बताईन् ।
‘आइएसएलको सातौं सिजन गोवा राज्यमा लैजादा खुशी लागेको छ । गोवाका फुटबल प्रशंसकलाई बधाई । किनकी गोवा फेरी एक पटक सुन्दर खेलको केन्द्र बनेको छ ।’ अम्बानीको भनाई उद्धित गर्दै आयोजनले भनेको छ ।
हाल आईएसएलमा १० टिम रहेका छन् ।
एथ्लेटिक्स मोहन बंगान फुटबल क्लब, बेंगरुलु एफसी, चेन्नेईन् एफसी, एफसी गोवा, हैदाराबाद एफसी, जम्सेदपुर एफसी, केरला ब्लाष्टर एफसी, मुम्बई सिटी एफसी, नर्थ एष्ट युनाईटेड एफसी, उडिशा एफसीले सातौं संस्करणमा सहभागीता जनाउनेछन् ।
हिरो आईएसएलको बिजेता
पहिलो संस्करण – एथ्लेटिक कोलकत्ता
दोस्रो संस्करण – चेन्नैईन एफसी
तेस्रो संस्करण – एथ्लेटिक कोलकत्ता
चौथो संस्करण – चेन्नैईन एफसी
पाचौं संस्करण – बेंगरुलु एफसी
छैठौं संस्करण – एथ्लेटिक कोलकत्ता
