युनाईटेडलाई हराउँदै सेभिया फाईनलमा
एजेन्सी । सेभिया युरोपा लिग फुटबलको फाईनलमा प्रवेश गरेको छ ।
आईतबार राति म्यान्चेष्टर युनाईटेडलाई २–१ ले स्तब्ध पार्दै सेभियाले फाईनल यात्रा तय गरेको हो ।
ब्रुनो फर्नान्डेजले नवौं मिनेटमा पेनाल्टीमा गोल गर्दै युनाईटेडलाई अघि बढाएका थिए ।
मार्कुस रासफोर्डलाई डिएगो कार्लोसले फल गरेपछि युनाईटेडले पेनाल्टीको अवसर पाएको थियाे ।
लिभरपुलका पूर्व विङ्गर फर्नान्डेज सुसोले २६ औै मिनेटमा खेल बराबरीमा ल्याए ।
७८ औं मिनेटमा डी जोङले सेभियाका लागि विजयी गोल गरेका थिए ।
प्रिमियर लिग क्लब म्यान्चेष्टर युनाईटेडको यस सिजन समेत ठुलो उपाधि जित्ने सम्भावना सकिएको छ । उसले यस सिजनमात्र तीन प्रतियोगितामा सेमिफाईनलमा पराजित भएको छ ।
दोस्रो हाफमा सेभियाको यासीन बुनौले उत्कृष्ट प्रर्दशन गरे । उनले युनाईटेडका एन्थोनी मार्टियलका केही प्रहारलाई असफल पारेका थिए ।
सेभियाले उपाधिका लागि अब सख्तर डोनेस्क र ईन्टर मिलानबीचको विजेतासंग खेल्नेछ ।
