जोनाथन ब्याटिङ प्रशिक्षक नियुक्त

एजेन्सी । इंग्ल्यान्डले पाकिस्तानसँगको टेस्ट सिरिजका लागि जोनाथन ट्रोटलाई ब्याटिङ प्रशिक्षक नियुक्त गरेको छ ।

इंग्ल्यान्डले सोमबार पूर्व ब्याट्सम्यान जोनाथनलाई सिरिजका लागि ब्याटिङ प्रशिक्षक नियुक्त गरेको हो ।

जोनाथनले सन् २००९ देखि १५ सम्म इंग्ल्यान्डका लागि ५२ टेस्ट खेलेका थिए । उनी अनुभवी खेलाडी र प्रशिक्षक हुन् ।

यस्तै इंग्ल्यान्डले सिरिजका लागि न्युजिल्यान्डका पूर्व स्पिनर जिटन पटेल र सिम बलर ग्रेमी वेल्चलाईलाई बलिङ प्रशिक्षक नियुक्त गरेको बीबीसीले जनाएको छ ।

इंग्ल्यान्डले घरेलु मैद्नामा पाकिस्तानसँग तीन खेलको टेस्ट सिरिज खेल्दैछ ।

म्यानचेस्टरको ओल्ड ट्राफोर्डमा बुधबार दुई टोलीबीचको पहिलो टेस्ट सुरु हुनेछ ।

यस अघि इंग्ल्यान्डले वेस्ट इन्डिजसँगको टेस्ट सिरिज जितेको थियो ।