एजेन्सी । इंग्लिस क्लब टोटेनहमका डिफेन्डर एरिक डायर सन् २०२४ सम्म क्लबमा रहने भएका छन् ।
इंग्ल्यान्डका डिफेन्डर डायरले मंगलबार क्लबसँग नयाँ सम्झौता गरेका छन् । सम्झौतासँगै उनी थप चार वर्ष क्लबमा रहने भएका हुन् ।
डायरको टोटेनहमसँगको सम्झौता आगामी सिजनको अन्त्यसम्म रहेको थियो । तर, सम्झौता सकिनु एक वर्ष अगाबै उनले नयाँ सम्झौता गरेका हुन् ।
सन् २०१४ मा स्पोर्टिङ सीपीबाट टोटेनहम आएका उनले २ सय ३९ खेलमा ११ गोल गरेका छन् ।
इंग्ल्यान्डका लागि उनले ४० खेल खेलिसकेका छन् ।
