अभ्यास सुरु गर्न मन्त्रीपरिषद्को निर्णय चाहिने

काठमाडौं । राष्ट्रिय फुटबल टिमको अभ्यास स्विकृति अब मन्त्रीपरिषद् बैठकबाट हुने भएको छ ।

आईतबार बसेको कोभिड–१९ क्राईसिस म्यानेजमेन्ट सेन्टर (सीसीएमसी)को बैठककले राष्ट्रिय फुटबल टिमको तयारीको स्विकृति मन्त्रीपरिषद्बाट हुनुपर्ने निष्कर्श निकालेको हो ।

फुटबलसंगै अब खेलकुद सम्बन्धि सम्पुर्ण स्विकृति मन्त्रीपरिषद्को बैठकले गर्नेछ ।

‘बैठक बस्यो । एन्फाको बिषय मन्त्रीपरिषद्ले हेर्ने भएको छ । खेल कार्यक्रम मन्त्रीपरिषद्ले रोेकेको हो । खोल्ने÷नखोल्ने निर्णय समेत मन्त्रीपरिषद्ले गर्छ ।’ सीसीएमसीका सचिव महेन्द्र गुराँगाईले खेलपाटीसँग भने ।

गत महिना एन्फाको कार्यसमितिको बैठकले आगामी फिफा विश्वकप छनोटका लागि राष्ट्रिय टिमको तयारी जुलाई १५ बाट गर्ने निर्णय गरेको थियो ।

एन्फाले केन्द्रिय कार्यसमितिबाट निर्णय गराउँदै राष्ट्रिय खेलकुद परिषद् (राखेप)संग स्विकृति माग गरेको थियो । राखेपले मन्त्रालयलाई स्विकृतिका लागि पठाएको थियो ।

मन्त्रालयले फुटबल खेलको स्विकृति सीसीएमसीबाट हुने एन्फालाई बताएको थियो । तर अन्तिममा आएर यसको निर्णय मन्त्रीपरिषद्बाट मात्र हुने भएको छ ।

‘मन्त्रीपरिषद्को विषयलाई सीसीएमसीले निर्णय दिन सक्दैन । यो निर्णय मन्त्रीपरिषद्ले गर्छ ।’ गुरागाईले भने ।

असार २६ गते पहिलो पटक एन्फाको स्विकृति पत्र सीसीएमसी पुगेको थियो । आईतबार बसेको सीसीएमसीको बैठकमा फुटबल टिमको अभ्यासको बिषय एजेण्डाको रुपमा प्रवेश गरेपनि यसको निर्णयको अधिकार मन्त्रीपरिषद्लाई मात्र हुने निष्कर्श निकालेको हो ।

खेलकुद मन्त्रालयले राय अनुसार एन्फा पदाधिकारी सीसीएमसीको निर्णय पर्खिएर बसेका थिए । अब भने मन्त्रीपरिषद्को निर्णय पर्खनुपर्नेछ ।

‘सुरुमा सीसीएमसी भनिएको थियो । अहिले फेरि मन्त्रीपरिषद् भन्न थालिएको छ । योसँगै राष्ट्रिय टिमको तयारीमा अन्योल देखिएको छ ।’ एन्फाका एक पदाधिकारीले भने ।

नेपालले आगामी महिनामा फिफा विश्वकप छनोट अन्तर्गत तीन खेल घरेलु मैदानमा खेल्दैछ । नेपालले एसियाली पावर हाउस अष्टे«लिया, जोर्डन र चाईनिज ताईपेलाई घरेलु मैदानमा आतिथ्यता प्रदान गर्ने तालिका रहेको छ ।