बेन्जिमा बालोन डी'ओरका हकदार

बालोन । स्पेनिस ला लिगा च्याम्पियन रियल मड्रिडका अध्यक्ष फ्लोरेन्टिनो परेजले फरवार्ड करिम बेन्जिमा विश्वकै उत्कृष्ट खेलाडी भएको बताएका छन् ।

स्पेनिस रेडियोसँग कुरा गर्दै अध्यक्ष परेजले बेन्जिमा उत्कृष्ट खेलाडी भएको र उनी बालोन डी'ओरका हकदार भएको बताए ।

'बेन्जिमाले बालोन डी'ओर जित्न सक्छन । मैले यस वर्ष उनी जस्तो अन्य खेलाडी देखेको छैन,' परेजले भने,'बेन्जिमा सर्वाधिक आलोचित खेलाडी हुन् । तर, विश्वको उत्कृष्ट खेलादु हुन्।'

सन् २००९ मा रियल आएका बेन्जिमाले यस सिजन क्लबलाई ला लिगाको उपाधि दिलाउन उत्कृष्ट प्रदर्शन गरेका छन् ।

फ्रान्सका ३२ वर्षीय फरवार्डले यस सिजन ला लिगमा २१ गोल गरेका छन् ।

उनी सर्वाधिक गोलकर्ताको दोस्रो स्थानमा रहेका छन् ।

बेन्जिमा भन्दा अघि लियोनल मेस्सी रहेका छन् । उनले २३ गोल गरिसकेका छन् ।

'बेन्जिमा कसरी खेल्छन् भन्ने सन्दर्भमा, उनी जिनेदान जिदान र रोनाल्डो नाजेरियो भन्दा उत्कृष्ट सेन्टर फरवार्ड हुन् । उहाँ २००९ बाट यहाँ छन् । यसले सबै कुरा भन्छ,' परेजले थपे ।