एजेन्सी । इंग्लिस प्रिमियर लिग फुटबलमा आज (बिहीबार) विभिन्न चार खेल हुँदैछ ।
प्रिमियर लिगमा शीर्ष चारको दाबेदार क्लब म्यानचेस्टर युनाइटेडले क्रिस्टल प्यालेससँग खेल्नेछ ।
क्रिस्टलको मैदानमा हुने खेल राति १ बजे सुरु हुनेछ ।
क्रिस्टलको मैदानमा युनाइटेड जित निकाल्दै शीर्ष चारको दाबेदारलाई कायम राख्न चाहन्छ ।
पाँचौं स्थानको युनाइटेड ५९ अंक जोडेको छ । क्रिस्टल ४२ अंक जोडेर १४ औं स्थानमा रहेको छ ।
यस्तै चौंथो स्थानको लेष्टर सिटीले घरेलु मैदानमा सेफिल्ड युनाइटेडको सामना गर्नेछ ।
लेष्टर जित निकाल्दै शीर्ष चारको दाबेदारलाई कायम राख्न चाहन्छ । लेष्टरले ५९ अंक जोडेको छ । सेफिल्ड ५४ अंक जोडेर आठौं स्थानमा रहेको छ ।
लिग अन्तर्गत नै एभर्टनले एस्टन भिल्लासँग प्रतिस्पर्धा गर्दा साउथह्याम्पटनले ब्राइटनसँग खेल्नेछ ।
