काठमाडौं । न्यु समिट कप प्रथम त्रिभुवान बिश्व बिद्यालय अन्तर कलेज बिएसी सिएसआईटी बास्केटबल प्रतियोगितामा आयोजक न्यु समिट र बर्नहार्ट कलेज सेमिफाईनलमा प्रबेश गरेका छन् ।
आज भएको पहिलो क्वार्टरफाईनलमा न्यु समिट कलेजले एवरडीन कलेजलाई ४९–३६ को स्कोरमा हराउदै अन्तिम चारमा स्थान पक्का गर्यो । पहिलो क्वाटर ६–८ ले गुमाएको न्यु समिटले दोश्रो र तेश्रो क्वाटरमा उत्कृष्ट प्रदर्शन गर्दै १७–४, १०–८ ले आफ्नो पक्षमा पारेको थियो ।
दुवैले निर्णायक चौथो क्वाटरमा १६–१६ बराबरी खेल पछि न्यु समिटले समग्रमा १३ अंकको जित निकालेको हो । आयोजकको जितमा उत्कृष्ट प्रदर्शन गरेका समिर तामाङले सर्वाधिक १८ स्कोर गरेका थिए ।
त्यस्तै दोश्रो क्वार्टरफाईनल खेलमा बर्नहार्टले हिमालय कलेजलाई ४५–२१ को स्कोरमा स्तब्ध बनादा सागर श्रेष्ठले सर्वाधिक २४ स्कोर गरे । पहिलो क्वाटरमा ५–९ ले पछि परेको बर्नहार्टले अन्य क्वाटर १४–१, ११–५ र १५–६ ले आफ्नो पक्षमा पादै समग्रमा २४ अंकको जित निकाल्यो ।
तेश्रो क्वाटरफाईनल खेलमा पाटन वहुमुखी क्याम्पसले एसीएचएस कलेजलाई ०–३, ४–३, १४–६ र १५–१० को क्वाटरमा रोक्दै समग्रमा ३३–२२ स्कोरमा पछि पार्यो ।
पाटन क्याम्पसको जितमा सुजल महर्जनले सर्वाधिक ९ स्कोर गरेका थिए । चौथो क्वाटरफाईनल खेलमा टेक्सस्ले सगरमाथा कलेललाई ३०–२० को स्कोरमा हराउदा मनन तामाङले सर्वाधिक ९ स्कोरको योगदान दिए ।
टेक्सस्ले ८–६, ७–२, ४–९ र ११–३ को क्वाटर खेल्दै समग्रमा १० अंकको जित निकालेको थियो । भोली सोमवार हुने सेमिफाईनल खेलमा टेक्सस्ले बर्नहार्ट र पाटनले न्यु समिटसग प्रतिस्पर्धा गर्ने छन् ।
-1750070144.JPG)
-1750064258.webp)
-1750047432.webp)
