रोनाल्डोको गोलमा पोर्चुगललाई पहिलो हाफमा २–१ अग्रता

एजेन्सी । क्रिस्टियानो रोनाल्डो चम्किएको खेलमा पोर्चुगलले स्पेनबिरुद्धको खेलमा २–१ को अग्रता लिएको छ । रुसको फिस्ट ओलम्पिक स्टेडियममा पहिलो हाफको खेल सकिदा पोर्चुगलले २–१ ले अगाडी छ ।

खेलको चौथो मिनेटमा पहिलो गोल गरेका रोनाल्डोले ४४ औ मिनेटमा दोस्रो गोल गरे । स्पेनका डिएगो कोस्टाले २३ औ मिनेटमा एक गोल फर्काएका थिए ।

मुख्य प्रतियोगितामा दुवै टोली चौथो पटक भिड्दै छन् । पोर्चुगलले अहिलेसम्म विश्वकपको फाईनल यात्रा तय गर्न सकेको छैन । सन् २०१० मा एक पटक फाईनल पुगेको स्पेनले उपाधि समेत उचालेको थियो ।