सिटी र लिभरपुलबीचको खेल इतिहाद स्टेडियममा

एजेन्सी । इंग्लिस प्रिमियर लिग अन्तर्गत लिभरपुल र म्यानचेस्टर सिटीबीचको खेल इतिहाद स्टेडियममा हुने भएको छ ।

म्यानचेस्टर सिटीले लिभरपुलसँगको खेल घरेलु मैदानमा आयोजना गर्न अनुमति दिएको छ ।

यस अघि समर्थकको बाक्लो उपस्थिति र सुरक्षालाई ध्यानमा राख्दै शीर्ष दुई टोलीबीचको खेल न्युट्रल भेन्युमा गर्ने तयारी गरिएको थियो ।

तर, सिटीको सेफ्टी एडभाइजरी ग्रुपले इतिहाद स्टेडियममा खेल आयोजना गर्न सहमति जनाएका छन् ।

खेल जुलाई २ मा हुनेछ ।

यस सिजन लिभरपुल उपाधि नजिक रहेको छ । सिटीसँगको खेल लिभरपुलले उपाधि उचाल्ने सक्ने खेल मानिएको छ ।

लिभरपुल सिटी भन्दा २३ अंकले अघि रहेको छ ।

यदि बिहिबार सिटीले चेल्सीलाई पराजित गर्न नसके लिभरपुलले उपाधि जित्नेछ ।

सिटीले चेल्सीलाई हराएमा भने लिभरपुलले उपाधि जित्न इतिहाद स्टेडियममा बराबरी खेल्नु पर्ने हुन्छ ।