फ्रेन्च कपको फाइनलमा दर्शक हुने

एजेन्सी । फ्रेन्च कप फुटबल र फ्रेन्च लिग कप फुटबलको फाइनल खेलमा दर्शकको उपस्थिति हुने भएको छ ।

फ्रान्स सरकारले खेलकुद प्रतियोगिता हेर्न रंगशालामा ५ हजार दर्शकलाई अनुमति दिएसँगै फ्रेन्च कप र लिग कपको फाइनल दर्शकसहितको रंगशालामा हुने भएको हो ।

कोरोना भाईरसको कारण गरिएको लकडाउन खुकुलो बनाउने योजना अनुसार फ्रान्स सरकारले ५ हजार दर्शकलाई खेल हेर्ने अनुमति दिएको हो ।

कोरोनाको कारण फ्रेन्च कप र लिग कपको फाइनल अनिश्चित कालका लागि स्थगित गरिएको छ । दुवै प्रतियोगिताको फाइनल खेलको नयाँ मिति तय भएको छैन ।

फ्रेन्च कपको फाइनलमा पेरिस सेन्ट जर्मेन (पीएसजी) र सेन्ट इटिनेबीच प्रतिस्पर्धा हुनेछ । यस्तै लिग कपको फाइनलमा पीएसजी र लियोनबीच प्रतिस्पर्धा हुनेछ ।

कोरोनाको कारण फ्रेन्च लिग वान र लिग २ भने रद्द भईसकेको छ ।