कासिलासले उम्मेदवारी फिर्ता लिने

एजेन्सी । स्पेनको विश्वकप विजेता टोलीका कप्तान इकर कासिलासले स्पेनिस फुटबल महासंघको अध्यक्ष पदमा दिएको उम्मेदवारी फिर्ता लिने निर्णय गरेका छन् ।

रियल मड्रिडका पूर्व खेलाडी समेत रहेका कासिलासले निर्णयमा पूर्नविचार गर्दै उम्मेदवारी फिर्ता लिने बताएका हुन् ।

उनले देशको बिग्रदो सामाजिक, आर्थिक र स्वास्थ्यको अवस्थालाई ध्यानमा राखेर आफु चुनावमा नउठ्ने बताएका हुन् ।

कोरोना भाईरसको महामारीका कारण स्पेनमा २७ हजार बढी मानिसले ज्यान गुमाईसकेका छन् ।

'यसले चुनावलाई पछाडी लैजानेछ ।' कासिलासले भनेका छन् ।

कासिलास ब्यवसायीक फुटबल करियरबाट औपचारिक रुपमा बिदा भएका छैनन् । तर उनी सन् २०१९ को अप्रिलबाट वर्तमान क्लब पोर्टोमा देखिएका छैनन् ।

ह्दयघातका कारण उनी गत करिब एक बर्षभन्दा बढी समययता मैदानमा नदेखिएका हुन्।

उनी सन् २०१९ को जुलाईदेखि क्लबको प्रशिक्षण स्टाफको रुपमा काम गरिरहेका छन् ।

कासिलासले उम्मेदवारी फिर्ता लिएसंगै लुईस रुबेलिस चार वर्षका लागि अगष्टमा निर्विरोध निर्वाचित हुने सक्ने बताईएको छ ।