एजेन्सी । आर्सनलले आफ्ना मुख्य फरवार्ड पियरिक ईम्रिक अबुमियाङलाई क्लबमै राख्न जोड गरेको छ ।
लण्डन क्लबसंग अर्को बर्ष सम्झौता सकिन लागेका अबुमियाङलाई आर्सनलले नयाँ सम्झौतामा मनाउन अन्तिम प्रयास गरिरहेको छ ।
क्लबका प्रशिक्षक मिकेल अर्टेटाले अबुमियाङसंग नयाँ सम्झौता हुनेमा आफु आशावादी रहेको बताए ।
अबुमियाङको आर्सनलसंग वर्तमान सम्झौता सन् २०२१ सम्म रहेको छ । अर्टेटाले क्लबले अबुमियाङलाई लण्डन बस्नुका कारणबारे बुझाउने प्रयास गरेको बताएका छन् ।
‘उनीलाई मुल्यवान महशुश गराउन आवश्यक छ । उनी हामीसंग सम्बन्धित छन्, तर उनी हामीलाई चाहिएको कुरा महुशुश गराउन आवश्यक रहेको छ ।’ अर्टेटाले भनेका छन् ।
गाबोनका अन्तराष्ट्रिय खेलाडीले नयाँ सम्झौता आफ्नो करियरको सबैभन्दा महत्वपूर्ण निर्णय हुने बताएका छन् ।
लण्डन क्लबबाट अबुमियाङले ९७ खेलमा ६१ गोल गरेका छन् । उनी सन् २०१८ मा बोरुसिया डर्टमण्डबाट आर्सनल आएका थिए ।
अर्टेटाले भने, ‘उनले जसरी खेलिरहेका छन् र जसरी ब्यवहार देखाईरहेका छन् । यस अवस्थामा म निकै खुसी छु ।’
‘मेरो उनीसंग निकै राम्रो सम्बन्ध छ । हामी संगै बसेर धेरै कुरा छलफल गर्न सक्छौ । मलाई लाग्छ, उनी क्लबमा धेरै खुसी हुनेछन् ।’ उनले थपे ।
अर्टेटा अबुमियाङको बिषयमा आशावादी देखिएका छन् । तर अबुमियाङले फ्रेन्च फुटबलको एक कार्यक्रममाम आफुलाई क्लबबाट पछिल्लो समय कुनै प्रस्ताव नआएको बताएका थिए ।
‘मैले क्लबसंग केही महिना अघि छलफल गरेको थिए । उनीहरुलाई थाहा छ, अहिलेसम्म किन केही भईरहेको छैन ।’ अबुमियाङले भनेका थिए ।
‘यो मेरो खेलाडी जिवनको निर्णायक बिन्दु हो । म सबैप्रति ईमान्दार हुन चाहन्छु ।’ उनले भने, ‘उनीहरुसंग चाबी रहेको छ । यो उनीहरुको काम गर्नका लागि हो । त्यसपछि हामीले पनि हेर्नेछौ, कसरी अगाडी बढ्ने भनेर । यो निश्चित रुपमा एकदम कठिन हुनेछ ।’
कोरोनाको महामारीले सिजन अबरुद्ध हुनुअघि प्रशिक्षक अर्टेटाले कुनै पनि विकल्पमा आफुले अबुमियाङलाई राख्न चाहेको बताएका थिए । उनले सिजन सकिनु अघिनै क्लबले उनीसंग नयाँ सम्झौता गर्नुपर्ने बताएका थिए ।
बार्सिलोना र ईन्टर मिलानले लण्डन क्लबका फरवार्डमाथि चासो देखाईरहेका छन् ।
आर्सनल प्रिमियर लिगको नवौं स्थानमा रहेको छ । प्रिमियर लिग सुरु हुदै गर्दा लण्डन क्लब म्यान्चेष्टर सिटीको भ्रमणमा निस्कनेछ ।
-1752311327.jpg)
-1752310813.jpeg)
