एजेन्सी । स्पेनिस लिगको अबरुद्ध सिजन पुन सुरु गर्न लागेको रियल मड्रिडले ग्यारेथ बेललाई ईबरबिरुद्ध खेलाउन सक्नेछ ।
प्रशिक्षक जिनेदिन जिदानले २३ सदस्यीय रियल मड्रिडको टिममा वेल्स स्टार बेललाई समेत समावेश गरेका छन् ।
तालिकाको दोस्रो स्थानमा रहेको रियल मड्रिडले आईतबार रेलिगेशन जोन भन्दा २ अंकमाथि रहेको ईबरसंग प्रतिस्पर्धा गर्दैछ ।
मार्च ८ मा खेलिएको रियल बेटिसबिरुद्धको खेलमा समेत बेललाई टिममा राखिएको थियो । तर बेलले सो खेलमा अवसर पाएनन् । उनी बैकल्पिक खेलाडीको रुपमा रहेका थिए । सो खेल रियलले २–१ ले गुमाएको थियो ।
रियलका लागि खुसीको बिषय चेल्सीका पूर्व फरवार्ड ईडेन हजार्ड मैदान फर्कदैछन् । क्रिस्टियानो रोनाल्डोको बिकल्पको रुपमा रियल आएका हजार्ड चोटकै कारण लामो समय मैदान बाहिर रहे । उनले पैतलामा गम्भिर चोट लागेपछि फेब्रुअरीमा सल्यक्रिया गरिएको थियो ।
ला लिगा बन्द रंगशालामा गत बिहिबारबाट सुरु भएको छ । कोरोना भाईरसको महामारीका कारण प्रतियोगिता तीन महिना अबरुद्ध बनेको थियो ।
लिगमा ११ चरणको खेल बाँकी रहदाँ जिनेदिन जिदानको टिम बार्सिलोना भन्दा ५ अंकले पछाडी रहेको छ । बार्सिलोनाले एक खेल बढी खेलेको छ । शनिबार उसले मालोर्काबिरुद्ध शानदार जित आत्मसाथ गरेको थियो ।
'हामी ला लिगाको उपाधि जित्न सबै कोशिश गर्नेछौ ।' जिदानले भनेका छन् ।
रियलले घरेलु मैदानमा खेलिने बाँकी ६ खेल क्लबको युथ एकेडेमीले प्रशिक्षण गर्ने मैदानमा खेल्नेछ । स्याटियागो बर्नवेउ पुननिर्माणको क्रममा रहेकाले एकेडेमी प्रशिक्षण मैदानमा रियलले आफ्नो घरेलु मैदानका खेल खेल्नेछ ।
'हामी बर्नवेउमा खैल्न सहज थियौ । तर सिमाहरुलाई हामीले स्विकार गर्नुपर्छ ।' जिदानले भने, 'हामीले त्यहाँ अभ्यास गरेका छौ । धेरै कुरा समान छ । र हामी स्टेफानोमा खेल्नका लागि तयार अवस्थामा छौ ।'
सिजनको पहिलो खेलमा रियलले ईबरमाथि ४–० को जित निकालेको थियो । सो खेलमा करिम बेन्जिमाले दुई गोल गरेका थिए ।
-1752311327.jpg)
-1752310813.jpeg)
