एजेन्सी । जर्मन बुन्डेसलिगा फुटबलमा आज (शनिबार) विभिन्न ६ खेलहरु हुँदैछ ।
बुन्डेसलिगामा शनिबार उपाधि नजिक रहेको बायर्न म्युनिख, बोरुसिया डर्टमण्ड, वोल्फ्सबर्ग, आइनट्राख्ट फ्रान्कफुर्ट,भेरडाआ ब्रेमेन, बोरुसिया मुन्छेनग्लाडबाख लगायतका क्लबले प्रतिस्पर्धा गर्ने छन् ।
लिग लिडर बायर्नले घरेलु मैदानमा मुन्छेनग्लाडबाखसँग खेल्नेछ । खेल नेपाली समय अनुसार राति १०:१५ बजे सुरु हुनेछ ।
घरेलु मैदानमा बायर्न सहज जित निकाल्दै उपाधि नजिक पुग्न चाहन्छ । दोस्रो स्थानको डर्टमण्ड भन्दा ७ अंकले अघि रहेको बायर्नलाई उपाधि जित्न अब दुई जितको आवश्यकता रहेको छ ।
त्यसैले बायर्न घरेलु मैदानमा मुन्छेनग्लाडबाखलाई जसरी पनि हराउँन चाहन्छ । बायर्नले ३० खेलमा ७० अंक जोडेको छ । डर्टमण्डको ६३ अंक रहेको छ ।
तर, मुन्छेनग्लाडबाखलाई पराजित गर्न बायर्नलाई सहज भने छैन । मुन्छेनग्लाडबाख पनि घरेलु टोलीलाई पराजित गर्दै शीर्ष तीनको दौडमा आफुलाई राख्न चाहन्छ ।
चौंथो स्थानको मुन्छेनग्लाडबाखले ५६ अंक जोडेको छ ।
उपाधिको अर्को दाबेदार क्लब डर्टमण्डले फोर्टुना डुसलडोर्फसँग खेल्नेछ । डर्टमण्ड र फोर्टुना डुसलडोर्फबीचको खेल ७ :१५ बजे सुरु हुनेछ ।
डर्टमण्ड घरेलु टोलीलाई हराउँदै शीर्ष स्थानको बायर्नसँगको अंक दुरी कम बनाउन चाहन्छ । यता, डुसलडोर्फ अप्रत्यासित नतिजा निकाल्दै रेलिगेसन क्षेत्रबाट माथि उक्लन चाहन्छ ।
बुन्डेसलिगा अन्तर्गत नै अन्य खेलमा वोल्फ्सबर्गले फ्राइबर्ग तथा कोल्नले युनियन बर्लिनसँग खेल्नेछ ।
त्यस्तै हेर्था बर्लिनले आइनट्राख्ट फ्रान्कफुर्ट र पार्डाबोनले भेरडाआ ब्रेमेनसँग खेल्नेछ ।
-1752310813.jpeg)
-1752288200.webp)
