एजेन्सी । आरबी आइपजिग जर्मन बुन्डेसलिगाको उपविजेताको दौडमा बलियो देखिएको छ ।
शुक्रबार राति भएको खेलमा होफेनहाइमलाई २–० गोल अन्तरले पराजित गर्दै आरबी लाइपजिगले दोस्रो स्थानको बोरुसिया डर्टमण्डसंगको दुरी एक अंकमा झारेको छ ।
खेलको सुरुवातमै डानी ओल्मोले दुई गोल गरेपछि लाइपजिगले सहज जित निकाल्यो । उनले तीन मिनेटको अन्तरमा दुई गोल गर्दै पाहुना टोलीलाई सहज जित दिलाए । नवौं मिनेटमा पहिलो गोल गरेका उनले ११ औं मिनेटमा दोस्रो गोल थपेका थिए ।
लाइपजिगले जर्मन फरवार्ड टिमो वार्नरलाई समेत मैदान उतारेको थियो । उनले अर्को सिजन लण्डन क्लब चेल्सी जाने बिषयमा सहमती गरेका छन् ।
खेलको सुरुवातमा रेफ्रीले होफेनहाइमबिरुद्ध ताइपजिगलाई पेनाल्टीको अवसर दिएका थिए । तर भिडियो सहायक रेफ्री भारको समिक्षापछि निर्णय सच्चाएका थिए ।
जर्मन फरवार्ड वार्नरले भने तालिकामा गोल संख्या बढाउने मौका गुमाए । उनले यस सिजन बुन्डेसलिगामा २५ गोल गरेका छन् ।
लाइपजिगले ६२ अंक जोड्दै तालिकको तेस्रो स्थानमा आफुलाई बलियो बनाएको छ । दोस्रो स्थानको डर्टमण्ड भन्दा लाइपजिग एक अंकमात्र पछाडी छ । होफेनहाइम ४३ अंक सहित सातौं स्थानमा यथावत छ ।
-1752310813.jpeg)
-1752288200.webp)
