ला लिगा – ग्रानाडासंग गेटाफे पराजित

एजेन्सी । स्पेनि ला लिगा फुटबलमा ग्रानाडाले गेटाफेलाई पराजित गरेको छ ।

शुक्रबार राति भएको खेलमा घरेलु टोली ग्रानाडाले गेटाफेलाई २–१ गोल अन्तरले पराजित गरेको हो ।

खेलमा अग्रता गेटाफेले २० औं मिनेटमा डेबिड टिमोरको गोलबाट लिएको थियो । ७० औ मिनेटमा जेनीले आत्मघाति गोल गरेपछि खेल बराबरीमा आएको थियो ।

कार्लोस फर्नान्डिज ईक्कीसले ७९ औ मिनेटमा गोल गर्दै ग्रानाडाको जित सुनिश्चत गरेका थिए ।

हारसंगै गेटाफेले ला लिगाको शीर्ष चारभित्र उक्लिने मौका गुमायो । ग्रानाडा ४१ अंक जोड्दै तालिकाको आठौं स्थानमा उक्लियो ।

अर्को खेलमा भ्यालेन्सिया र लेभान्तेले १–१ गोलको बराबरी खेल्दै अंक बाँडे । खेल सकिन एक मिनेट अघि राड्रिगोले घरेलु टोली भ्यालेन्सियालाई अग्रता दिलाएका थिए ।

दोस्रो हाफको ईन्जुरी समयमा मिलिरोले पेनाल्टीमा गोल गर्दै लेभान्तेलाई अंक जोड्न सफल रहे ।

भ्यालेन्सिया ४२ अंक जोड्दै तालिकाको सातौं स्थानमा यथावत रह्यो । लेभान्तेले ३३ अंक जोडेर १३ औं स्थानमा उक्लियो ।