एजेन्सी । म्यान्चेष्टर युनाईटेडबाट युरोपियन कप जितेका लिजेण्ड खेलाडी टोनी ड्युनको ७८ बर्षको उमेरमा निधन भएको छ ।
प्रिमियर लिग क्लब म्यान्चेष्टर युनाईटेडका डिफेन्डर रहेका टोनीले सन् १९६८ मा युरोपियन कपको उपाधि जितेका थिए ।
बेम्वलीमा भएको खेलमा युनाईटेडले बेन्फिकालाई ४–१ ले हराउँदै उपाधि जितेको थियो ।
बेम्वलीमा उपाधि उचाल्ने युनाईटेड पहिलो ईङ्लिस क्लब बनेको थियो । सन् १९५८ मा म्युनिखमा भएको विमान दुर्घटनापछि क्लबलाई शानदार सफलता दिलाउने अभियानमा ड्युनले महत्वपूर्ण भूमिका निर्वाह गरेका थिए ।
रिपब्लिक अफ आयरल्याण्डका पूर्व अन्तराष्ट्रिय खेलाडी समेत रहेका टोनीले ओल्ड ट्राफोर्डमा १३ बर्ष बिताएका थिए ।
उनले युनाईटेडबाट दुई पहिलो डिभिजनको फुटबल उपाधि र एफ ए कप उपाधि जितेका थिए ।
म्यान युनाईटेडले टोनीको निधनको पुष्टि गर्दै क्लबका महान खेलाडीको रुपमा ब्याख्या गरेको छ ।
ड्युनले युनाईटेडका लागि ५ सय ३५ खेलमा प्रतिस्पर्धा गरेका छन् । उनी भन्दा ७ खेलाडीले मात्र युनाईटेडको जर्सीमा धेरै खेल खेलेका छन् ।
-1752288200.webp)
