प्रिमियर लिगका रेफ्रीको कोरोना परिक्षण हुने

एजेन्सी । इंग्लिस प्रिमियर लिग क्लबका रेफ्री र सहायक रेफ्रीहरुको कोरोना परिक्षण हुने भएको छ ।

क्लबका खेलाडी र स्टाफको कोरोना परिक्षण गरिरहेको प्रिमियर लिगले पहिलो पटक रेफ्रीहरुको परिक्षण गर्ने भएको हो ।

रेफ्रीहरुको यसै हप्ता भित्र कोरोना परिक्षण गरिने स्काई स्पोर्ट्सले जनाएको छ ।

यस अघि खेलाडी र स्टाफ गरि ६ हजार २ सय ६१ जनाको कोरोना परिक्षण गर्दा १३ जनामा संक्रमण देखिएको थियो ।

कोरोनाले स्थगित प्रिमियर लिग सुचारु हुने तय भएसँगै रेफ्रीहरुको परिक्षण गर्न लागिएको हो ।

प्रिमियर लिग जुन १७ बाट सुचारु हुँदैछ ।

यस सिजन लिभरपुल लिगको उपाधि नजिक रहेको छ । लिभरपुल दोस्रो स्थानको म्यानचेस्टर सिटी भन्दा २५ अंकले अघि रहेको छ ।

उपाधिका लागि लिभरपुललाई दुई जितको आवश्यकता रहेको छ ।