लङसंग साउथह्याम्पटनकाे नयाँ सम्झौता

एजेन्सी । इंग्लिस क्लब साउथह्याम्पटनका फरवार्ड शेन लङले क्लबसँग नयाँ सम्झौता गरेका छन् ।

आईरिस फरवार्ड लङले थप दुई वर्ष क्लबमा रहने गरि नयाँ सम्झौता गरेका हुन् ।

सम्झौतासँगै लङ सन् २०२२ सम्म साउथह्याम्पटनमा रहने छन् ।

सम्झौतापछि ३३ वर्षे फरवार्डले थप केहि वर्ष क्लबमा रहन पाउँदा उत्साहित भएको बताए ।

लङ सन् २०१४ मा हल सिटीबाट साउथह्याम्पटन आएका थिए ।

उनले क्लबका लागि २ सय बढी खेल खेलेका छन् ।