मेस्सीले बोके चोट !
बिहिबार, जेठ २२, २०७७खेलपाटी संवाददाता
एजेन्सी । स्पेनिस क्लब बार्सिलोनाका फरवार्ड तथा कप्तान लियोनल मेस्सीले चोट बोकेका छन् ।
मेस्सीले मंगलबार प्रशिक्षणको दौरान चोट बोकेको स्पेनिस मिडियाहरुले जनाएका छन् ।
स्पेनको टिभी थ्रीले मेस्सीले दाहिने खुट्टामा चोट बोकेको र चोटको प्रकार बुझ्न एमआरआई गरिएको जनाएको छ ।
चोटको कारण मेस्सी बुधबारको प्रशिक्षणमा नआएको समेत जनाएको छ ।
चोट बोकेसँगै मेस्सीले ला लिगा सुचारुपछि मालोर्कासँगको खेल गुमाउँन सक्ने बताईएको छ ।
कोरोना भाईरसको कारण गत मार्चबाट स्थगित ला लिगा आगामी साताबाट सुचारु हुँदैछ ।
बार्सिलोनाले जुन १३ मा मालोर्कासँग खेल्नेछ ।
यस सिजन बार्सिलोना शीर्ष स्थानमा रहेको छ । बार्सिलोना रियल मड्रिड भन्दा २ अंकले अघि रहेको छ ।
बार्सिलोनाले लिगमा ११ खेल खेल्न बाँकी रहेको छ ।
