टोटेनहमका पारोटले सुरुवाती खेल गुमाउने

एजेन्सी । इंग्लिस क्लब टोटेनहमका युवा स्ट्राइकर ट्राय पारोटले प्रिमियर लिग सुचारुपछि सुरुवाती खेल गुमाउने भएका छन् ।

एपेन्डिक्सको शल्यक्रिया गरेपछि १८ वर्षे पारोटले सुरुवाती खेल गुमाउने भएका हुन् ।

कोरोना भाईरसको महामारीले स्थगित लिग जुन १७ बाट सुचारु हुँदैछ ।

टोटनहमले पारोटको शल्यक्रिया गरिएको र उनी जुनको अन्यतिर टिमको प्रशिक्षणमा फर्कने जनाएको छ ।

टिमको प्रशिक्षणमा सामेल भएका पारोटको पेट दुखेपछि जचाउँदा एपेन्डिक्स देखिएको थियो ।

रिपब्लिक अफ आयरल्याण्डमा स्ट्राइकर पारोटले यस सिजन टोटेनहमको सिनियर टिमबाट ४ खेल खेलेका छन् ।

पारोटको क्लबसँगको सम्झौता सन् २०२३ सम्म रहेको छ ।