च्याम्पियन्स लिग जित्ने महरेजको दाबी

एजेन्सी । इंग्लिस क्लब म्यानचेस्टर सिटीका विंगर रियाद महरेजले यस सिजन क्लबले च्याम्पियन्स लिग जित्ने बताएका छन् ।

अल्जेरियन कप्तान महरेजले सिटी यस सिजन च्याम्पियन्स लिग जित्न सक्षम भएको दाबी गरेका हुन् ।

'मलाई लाग्छ च्याम्पियन्स लिग जित्ने यो उत्तम समय हो,' महरेजले भने,'हामीसँग टिम छ, राम्रो प्रशिक्षक छन् । हामीसँग सबै छ । त्यसैले यो राम्रो समय हो । थाहा छैन हाम्रो राम्रो छौ तर उपाधि जित्नलाई काफी छ ।'

कोरोनाको महामारीको कारण गत मार्चबाट च्याम्पियन्स लिग स्थगित गरिएको छ । लिग स्थगित हुनु अघि अन्तिम १६ को पहिलो लेगमा सिटीले रियल मड्रिडलाई २-१ ले हराएको थियो ।

च्याम्पियन्स लिगको बाँकी खेल अगष्टमा सुचारु हुने सम्भावना रहेको छ ।

'च्याम्पियन्स लिग कठिन छ । सबैले उपाधि जित्न चाहन्छ । जसको कारण ठुलो प्रतिस्पर्धा हुन्छ.' महरेजले थपे ।

सिटी प्रिमियर लिगमा भने दोस्रो स्थानमा रहेको छ । जुन १७ बाट सुचारु हुने लिगमा सिटी शीर्ष स्थानको लिभरपुल भन्दा २५ अंकले पछि रहेको छ ।